AQShda “Mettyu” dovuli tufayli mamlakatning janubi-sharqiy shtatlaridan o‘tuvchi 4,5 mingdan ortiq aviareys bekor qilindi. Bu haqda 7-oktabr, juma kuni Associated Press agentligi ma’lum qildi, deb yozadi “TASS”.
Havo kemalarining harakatlanishini kuzatib boruvchi FlightAware internet saytining ma’lumotlariga qaraganda, Orlando xalqaro aeroportidan parvoz qiluvchi va unga yetib keluvchi barcha reyslar bekor qilingan. Shahar bilan aviaqatnov 8-oktabr, shanba tongida qayta yo‘lga qo‘yilishi kutilmoqda.
Floridaning janubiy hududlaridagi ba’zi aeroportlar ochilgan, biroq asosiy reyslar bir necha soatga kechiktirilgan. Jorjiya, Shimoliy va Janubiy Karolina shtatlari aeroportlarida ham bir qator reyslar bekor qilingan.
CNN telekanalining ma’lum qilishicha, Floridada dovul qurbonlari soni to‘rt kishiga yetgan. Qutqaruvchilar Patnam okrugida ustiga daraxt qulab tushgan ayol kishining jasadini topdi. Yana bir kishi Volusi okrugi, ikki kishi Sent-Luis okrugida halok bo‘lgan.
Izoh (0)