Rossiya BMT Xavfsizlik kengashida Fransiya tomonidan Suriya bo‘yicha tayyorlangan rezolyutsiyaga veto qo‘yishini bildirdi, deb yozadi “RBK”. Moskva ushbu hujjatni qabul qilish uchun imkoniyat borligini ko‘rmayapti va uni provokatsiya deb hisoblaydi.
“Bu rezolyutsiyaning qabul qilish kerak bo‘lgan varianti emas. Men uning haqiqiy maqsadi Rossiyani veto qo‘yishga gij-gijlash degan gumondaman, — dedi Rossiyaning BMTdagi doimiy vakili Vitaliy Churkin. — Men ushbu rezolyutsiya o‘tishi mumkin bo‘lgan imkoniyatni ko‘rmayapman”.
BMT Xavfsizlik kengashida Rossiya va AQShni Aleppoda zudlik bilan o‘t ochish to‘xtatilishini ta’minlashga da’vat etuvchi rezolyutsiya loyihasi bo‘yicha ovoz berish 8-oktabr, shanba kuni bo‘lib o‘tadi.
Izoh (0)