АҚШда «Мэттью» довули туфайли мамлакатнинг жануби-шарқий штатларидан ўтувчи 4,5 мингдан ортиқ авиарейс бекор қилинди. Бу ҳақда 7 октябрь, жума куни Associated Press агентлиги маълум қилди, деб ёзади «ТАСС».
Ҳаво кемаларининг ҳаракатланишини кузатиб борувчи FlightAware интернет сайтининг маълумотларига қараганда, Орландо халқаро аэропортидан парвоз қилувчи ва унга етиб келувчи барча рейслар бекор қилинган. Шаҳар билан авиақатнов 8 октябрь, шанба тонгида қайта йўлга қўйилиши кутилмоқда.
Флориданинг жанубий ҳудудларидаги баъзи аэропортлар очилган, бироқ асосий рейслар бир неча соатга кечиктирилган. Жоржия, Шимолий ва Жанубий Каролина штатлари аэропортларида ҳам бир қатор рейслар бекор қилинган.
CNN телеканалининг маълум қилишича, Флоридада довул қурбонлари сони тўрт кишига етган. Қутқарувчилар Патнам округида устига дарахт қулаб тушган аёл кишининг жасадини топди. Яна бир киши Волуси округи, икки киши Сент-Луис округида ҳалок бўлган.
Изоҳ (0)