Rossiyaning “Energiya” raketa-kosmik korporatsiyasi energiyani 1,5 km masofaga simsiz uzatish bo‘yicha tajriba muvaffaqiyatli kechganini ma’lum qildi, deb yozadi “Interfaks”.
“Energiyani lazer nuri yordamida simsiz uzatish bo‘yicha to‘liq ko‘lamli eksperiment muvaffaqiyatli o‘tdi. Maxsus uskuna mobil telefonni 1,5 km masofada turib zaryadladi”, — deyiladi “Energiya” matbuot xizmati xabarida.
Quvvati 5 vt ga teng lazer nurining uzatilishi maxsus nur chiqaruvchi va qabul qiluvchi qurilma yordamida amalga oshirildi, u nurni energiyaga aylantirib berdi.
Avvalroq yer ustidagi eksperiment muvaffaqiyatli kechgan taqdirda, bunday sinovni orbitada o‘tkazish rejalashtirilayotgani xabar qilingan edi.
“Kosmik tajribada energiyani Xalqaro kosmik stansiyadan ‘Progress’ transport yuk kemasiga uzatish rejalashtirilmoqda, u buning uchun stansiyadan 1—2 kilometrga uzoqlashtiriladi”, — dedi “Energiya” bo‘lim boshlig‘i Vyacheslav Tugayenko.
Izoh (0)