Shavkat Mirziyoyevning bayram tabrigi, milliy terma o‘yinlari oldidan jarohat olgan Odil Ahmedov, qalin olishning qozoqcha yangi usuli va kunning boshqa qiziqarli xabarlari

30-sentabrning e’tiborga molik yangiliklari — “Daryo”ning kechki dayjestida.

1. Shavkat Mirziyoyev O‘zbekiston o‘qituvchi va murabbiylariga bayram tabrigi yo‘lladi. O‘zbekiston Prezidenti vazifasini vaqtincha bajaruvchi o‘z tabrigida mamlakatning Birinchi Prezidenti Islom Karimovni “barchamiz uchun mehribon ustoz, talabchan murabbiy edi” deb yodga oldi.

2. Fotoreportaj: Shimon Peresning dafn marosimi. Isroil sobiq prezidenti 28 sentabr kuni 93 yoshida vafot etgan edi, uning vafoti munosabati bilan Shavkat Mirziyoyev Isroil rahbariyatiga hamdardlik bildirdi.

3. Turkiya Suriya bilan chegarada 900 kilometrli devor quradi. Devor Suriyadan Turkiyaga noqonuniy muhojirlik oqimining oldini olish uchun zarurligi aytilmoqda.

4. Qozog‘istonda qalin olishning yangicha usuli o‘ylab topildi. Mablag‘dan tashqari, shahar yoki ovul bo‘lishidan qat’iy nazar, qalinning yoniga mol-qo‘y, gilam, idish-tovoq va boshqa buyumlar ham qo‘shiladi.

5. Eron va Xitoyga qarshi o‘yinlar oldidan O‘zbekiston milliy terma jamoasi sardori Odil Ahmedov jarohat oldi. O‘zbekiston 6-oktabr kuni Eronga qarshi, 11-oktabrda esa Xitoyga qarshi o‘ynaydi.