Шавкат Мирзиёевнинг байрам табриги, миллий терма ўйинлари олдидан жароҳат олган Одил Аҳмедов, қалин олишнинг қозоқча янги усули ва куннинг бошқа қизиқарли хабарлари

30 сентябрнинг эътиборга молик янгиликлари — «Дарё»нинг кечки дайжестида.

1. Шавкат Мирзиёев Ўзбекистон ўқитувчи ва мураббийларига байрам табриги йўллади. Ўзбекистон Президенти вазифасини вақтинча бажарувчи ўз табригида мамлакатнинг Биринчи Президенти Ислом Каримовни «барчамиз учун меҳрибон устоз, талабчан мураббий эди» деб ёдга олди.

2. Фоторепортаж: Шимон Переснинг дафн маросими. Исроил собиқ президенти 28 сентябрь куни 93 ёшида вафот этган эди, унинг вафоти муносабати билан Шавкат Мирзиёев Исроил раҳбариятига ҳамдардлик билдирди.

3. Туркия Сурия билан чегарада 900 километрли девор қуради. Девор Суриядан Туркияга ноқонуний муҳожирлик оқимининг олдини олиш учун зарурлиги айтилмоқда.

4. Қозоғистонда қалин олишнинг янгича усули ўйлаб топилди. Маблағдан ташқари, шаҳар ёки овул бўлишидан қатъий назар, қалиннинг ёнига мол-қўй, гилам, идиш-товоқ ва бошқа буюмлар ҳам қўшилади.

5. Эрон ва Хитойга қарши ўйинлар олдидан Ўзбекистон миллий терма жамоаси сардори Одил Аҳмедов жароҳат олди. Ўзбекистон 6 октябрь куни Эронга қарши, 11 октябрда эса Хитойга қарши ўйнайди.