Toshkentdagi Inha universiteti talabalari Janubiy Koreyaning Chedju provinsiyasida bo‘lib o‘tgan matematika festivalida ishtirok etdi. Bu haqda “Infocom.uz” xabar bermoqda.
Muhriddin Ismoilov va Ulug‘bek Abdullayev festivalda “O‘zbekistonda matematika madaniyati” nomli maxsus stendni taqdim etdi. Mazkur stend o‘quv yurtida dars bergan professor Park Jinam yordamida tayyorlandi.
Universitet talabalari O‘zbekistonning tarixiy va zamonaviy binolari, ulardan o‘rin olgan naqshlar fotosuratlarini tayyorladi. Shuningdek, mazkur binolar haqidagi ma’lumotlar taqdim etildi.
Talabalar O‘zbekiston stendi anjumanga kelganlarda katta qiziqish uyg‘otganini ta’kidlamoqda.
Izoh (0)