Dunyo yetakchilarining ko‘pchiligi Isroil sobiq prezidenti Shimon Peres bilan vidolashish uchun Quddusga kelishni rejalashtirmoqda. Bu haqda Isroil Tashqi ishlar vazirligiga axborot berdi, deb yozadi “Interfaks”.
Isroil TIV rasmiy vakili Emmanuel Naxshonning so‘zlariga qaraganda, Peres bilan vidolashish uchun 30-sentabr, juma kuni AQSh prezidenti Barak Obama, AQSh sobiq prezidenti Bill Klinton va AQSh prezidentligiga nomzod Hillari Klinton, Rim papasi Fransisk, Buyuk Britaniya shahzodasi Charlz, Kanada bosh vaziri Jastin Tryudo va ko‘plab boshqa yetakchilar Quddusga kelishni rejalashtirmoqda.
Eslatib o‘tamiz, miyasiga qon quyilishi tufayli shifoxonaga yotqizilgan Isroilning sobiq prezidenti Shimon Peres 28-sentabr, chorshanba kuni 93 yoshida vafot etdi.
Sobiq prezident Quddus shahridagi Gersl tog‘ida dafn etilishi kutilmoqda. Peres bilan vidolashuv marosimi 29-sentabr, payshanba kuniga belgilangan.
Izoh (0)