Дунё етакчиларининг кўпчилиги Исроил собиқ президенти Шимон Перес билан видолашиш учун Қуддусга келишни режалаштирмоқда. Бу ҳақда Исроил Ташқи ишлар вазирлигига ахборот берди, деб ёзади «Интерфакс».
Исроил ТИВ расмий вакили Эммануэль Нахшоннинг сўзларига қараганда, Перес билан видолашиш учун 30 сентябрь, жума куни АҚШ президенти Барак Обама, АҚШ собиқ президенти Билл Клинтон ва АҚШ президентлигига номзод Ҳиллари Клинтон, Рим папаси Франциск, Буюк Британия шаҳзодаси Чарльз, Канада бош вазири Жастин Трюдо ва кўплаб бошқа етакчилар Қуддусга келишни режалаштирмоқда.
Эслатиб ўтамиз, миясига қон қуйилиши туфайли шифохонага ётқизилган Исроилнинг собиқ президенти Шимон Перес 28 сентябрь, чоршанба куни 93 ёшида вафот этди.
Собиқ президент Қуддус шаҳридаги Герцль тоғида дафн этилиши кутилмоқда. Перес билан видолашув маросими 29 сентябрь, пайшанба кунига белгиланган.
Изоҳ (0)