Hindistonda ming rupiya (15 dollar)ga qullikka sotilgan 11 yoshli qizcha o‘z xo‘jayinidan qochib ketdi, deb yozadi Reuters.
Yettinchi sinf o‘quvchisi Tamilnad shtatidagi Tiruvarur qishlog‘ida bobosi va buvisi bilan yashab kelgan. Qizning ota-onasi undan chaqaloqligida voz kechgan. Ammo bir kuni ular kelib, qizni maktabdan olgan va Tambaram shahriga keltirgan. U yerda ota-ona qizaloqni badavlat tanishlariga sotgan.
Qizcha kecha-yu kunduz uy yumushlarini bajargan, unga yeyish uchun deyarli hech narsa berishmagan, pul ham to‘lashmagan. Oxir-oqibat, yakshanba kunlaridan birida tongda uyda hamma uxlab yotgan vaqtda qiz devordan oshib, ko‘chaga chiqqan va yonidan o‘tayotgan motorikshadan yordam so‘ragan.
Qizcha qochib ketgach, uning xo‘jayini — sayyohlik agentligi xodimi politsiyaga borib, uzoq qarindoshi yo‘qolib qolganini aytib, qidiruvga bergan.
Hozir qizcha davlat boshpanasida saqlanmoqda, uning sobiq xo‘jayini qul savdosida ayblanishi mumkin.
Izoh (0)