Avstraliya sharqidagi Kvinslend shtatining markaziy tumanlari aholisi 26-sentabr, dushanba kuni kechqurun noodatiy tabiiy hodisaga guvoh bo‘ldi — osmonda yorqin nur paydo bo‘lib, so‘ng portlash kuzatildi, deb yozadi “TASS”.
Kvinslend politsiyasiga Gledstoun, Greysmir va boshqa kichik shaharlar aholisidan ko‘p sonli qo‘ng‘iroqlar kelib tushgan, ular yarim tunda osmon birdan yorishib, uylari silkinganini, so‘ng uzoqda portlash ovozi eshitilganini aytgan. Voqea guvohlarining ba’zilari osmonda olovli sharni ko‘rganini ta’kidlagan.
O‘z navbatida milliy geoxizmat ushbu vaqtda bu tumanda zilzila qayd etilmaganini aniqlashtirdi.
Astrofizik Jonatan Makdauell gap meteorit haqida borayotganini taxmin qildi. U toshning o‘lchami 1 metrga yaqin bo‘lishi mumkinligini aytdi.
Politsiya hodisa natijasida qurbonlar va vayronagarchiliklar haqida xabar kelib tushmaganini ta’kidladi.
Izoh (0)