Ҳиндистонда минг рупия (15 доллар)га қулликка сотилган 11 ёшли қизча ўз хўжайинидан қочиб кетди, деб ёзади Reuters.
Еттинчи синф ўқувчиси Тамилнад штатидаги Тируварур қишлоғида бобоси ва бувиси билан яшаб келган. Қизнинг ота-онаси ундан чақалоқлигида воз кечган. Аммо бир куни улар келиб, қизни мактабдан олган ва Тамбарам шаҳрига келтирган. У ерда ота-она қизалоқни бадавлат танишларига сотган.
Қизча кеча-ю кундуз уй юмушларини бажарган, унга ейиш учун деярли ҳеч нарса беришмаган, пул ҳам тўлашмаган. Охир-оқибат, якшанба кунларидан бирида тонгда уйда ҳамма ухлаб ётган вақтда қиз девордан ошиб, кўчага чиққан ва ёнидан ўтаётган моторикшадан ёрдам сўраган.
Қизча қочиб кетгач, унинг хўжайини — сайёҳлик агентлиги ходими полицияга бориб, узоқ қариндоши йўқолиб қолганини айтиб, қидирувга берган.
Ҳозир қизча давлат бошпанасида сақланмоқда, унинг собиқ хўжайини қул савдосида айбланиши мумкин.
Изоҳ (0)