AQSh prezidentligiga nomzodlar — respublikachi Donald Tramp va uning raqibi demokrat Hillari Klinton saylovchilar orasida mashhurliklari bobida deyarli teng bo‘lib turibdi. Bloomberg tomonidan o‘tkazilgan va 26-sentabr, dushanba kuni e’lon qilingan yangi umummilliy so‘rov natijalari shundan dalolat bermoqda, deya xabar beradi “TASS”.
Agentlik tomonidan tarqatilgan ma’lumotlarga ko‘ra, noyabrda o‘tkaziladigan prezidentlik saylovlarida Tramp uchun so‘rovda ishtirok etganlarning 43, Klinton uchun esa 41 foizi ovoz berishga tayyor.
Libertarianlar partiyasi nomzodi Geri Jonsonni amerikaliklarning 8 foizi, “yashillar” partiyasi vakili Jill Steynni esa 4 foizi qo‘llab-quvvatlamoqda.
Shu bilan birga, respondentlardan faqat ikki asosiy nomzoddan biri — Tramp yoki Klintonni tanlash so‘ralganda, ular saylovchilarning bir xil — 46 foizdan ovozini to‘pladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)