AQShning Nyu-York va Nyu-Jersi shtatlarini bog‘lovchi tonnelda ikki yo‘nalishdagi yo‘lovchi avtobusining to‘qnashuvi tufayli 44 kishi jarohatlandi. Bu haqda “TASS” xabar bermoqda.
“Jabrlanganlarning umumiy soni 44 kishini tashkil etmoqda, ulardan uch kishi jiddiy jarohat oldi”, — deyiladi yong‘in boshqarmasining Twitter’dagi e’lon qilingan axborotda.
26-sentabr, dushanba kuni Nyu-Yorkka yo‘l olgan avtobus noma’lum sabablarga ko‘ra o‘zidan oldinda ketayotgan avtobus bilan to‘qnashgan.
Hodisa AQShdagi eng tirband, yiliga 42 millionga yaqin avtomobil o‘tadigan Gudzon daryosi ostidagi Linkoln tonnelida ro‘y berdi.
Buning oqibatida tonnelda uzundan-uzoq tirbandlik yuzaga keldi. Gudzonni kesib o‘tmoqchi bo‘lgan haydovchilarga janubroqda joylashgan boshqa tonneldan foydalanish tavsiya etildi.
Izoh (0)