Suriya hukumati vertolyotlari Aleppo shahridagi Sukari tumaniga xlorli bombalar tashlashi tufayli o‘nlab bo‘g‘ilish holatlari qayd etildi. Bu haqda isyonchilar qo‘l ostidagi hududlarda faoliyat ko‘rsatadigan “Suriya fuqaro mudofaasi” qutqaruvchilariga tayanib, Reuters ma’lum qildi, deya xabar beradi “RBK”.
Tashkilotga ko‘ra, kimyoviy hujum tufayli 80 kishida bo‘g‘ilish kuzatilgan, biroq halok bo‘lganlar haqida ma’lum qilinmagan. Suriya inson huquqlari monitoringi markazi 70 ta holat haqida bildirgan.
Al Jazeera telekanali mahalliy faollar va tibbiy manbalarga tayanib, Aleppoga ehtimoliy gaz hujumi oqibatida kamida bir kishi o‘lgani, yuzdan ortiq odam jarohatlangani haqida xabar berdi. Ma’lumotlarga ko‘ra, isyonchilar tomonidan nazorat qilinadigan Sukari tumaniga hukumat vertolyoti 6-sentabr, seshanba kuni ikkita gazli bomba tashlagan.
Izoh (0)