Fransiyaning sobiq prezidenti Nikolya Sarkozi, unga nisbatan sud jarayoni kutilayotganiga qaramay, kelgusi yili yana prezidentlik uchun kurashish niyatida. Bu haqda siyosatchi 6-sentabr, seshanba kuni Parij yaqinidagi Puassi shahrida saylovchilar bilan uchrashuvi chog‘ida ma’lum qildi, deya xabar beradi “TASS”.
“Hech qanday bahslar, chalg‘itish, hiyla-nayranglar, ular qanchalik sharmandali bo‘lmasin, 2017-yilda hokimiyatni almashtirish bo‘yicha halol va kuchli loyiha tuzishga bo‘lgan mutlaq ishonchimdan bir bahya ham qaytara olmaydi”, — deya ta’kidladi Sarkozi.
Bu Sarkozining 2012-yil prezidentlik saylovlaridagi firibgarliklar bo‘yicha sud boshlanishi haqidagi xabardan so‘ng omma oldidagi ilk chiqishi bo‘ldi. Hozirda sudgacha bo‘lgan tekshiruv bilan shug‘ullanayotgan Parij prokuraturasi ishni mahkamaga oshirishni rejalashtirmoqda.
Izoh (0)