Braziliya bosh prokurori Rodrigu Jano mamlakat sobiq prezidenti Dilma Russefga nisbatan impichment jarayonini qonuniy deb tan oldi, deb yozadi “Kommersant”. Tegishli xulosa respublika Federal oliy sudiga yo‘naltirildi.
Ushbu hujjat may oyida Russefning advokatlari tomonidan berilgan da’vo arizasiga javob bo‘ldi. Sobiq prezident advokatlari impichment iyul oyida o‘z lavozimini tark etgan parlament quyi palatasi raisi Eduardu Kunyi tarafdorlari tomonidan qasos akti bo‘ldi, deb da’vo qilgan edi.
Ammo Braziliya bosh prokurori impichment jarayoni uchun javobgarlikning barchasi faqat birgina spikerga yuklanishi mumkin emas, degan xulosaga keldi. Rodrigu Jano aniqlik kiritishicha, prezidentni o‘z lavozimidan chetlatish haqidagi barcha qarorlar qonun doirasida qabul qilingan.
Eslatib o‘tamiz, Braziliya senati ko‘pchilik ovoz bilan Dilma Russefga nisbatan impichment qarorini qabul qildi. Alohida ovoz berish natijasida senatorlar unda davlat lavozimlarini egallash imkoniyatini qoldirdi. Sobiq prezident mamlakat poytaxtidagi davlat rahbari rasmiy qarorgohi — Alvorada saroyini uzil-kesil tark etdi.
Izoh (0)