Сурия ҳукумати вертолётлари Алеппо шаҳридаги Сукари туманига хлорли бомбалар ташлаши туфайли ўнлаб бўғилиш ҳолатлари қайд этилди. Бу ҳақда исёнчилар қўл остидаги ҳудудларда фаолият кўрсатадиган «Сурия фуқаро мудофааси» қутқарувчиларига таяниб, Reuters маълум қилди, дея хабар беради «РБК».
Ташкилотга кўра, кимёвий ҳужум туфайли 80 кишида бўғилиш кузатилган, бироқ ҳалок бўлганлар ҳақида маълум қилинмаган. Сурия инсон ҳуқуқлари мониторинги маркази 70 та ҳолат ҳақида билдирган.
Al Jazeera телеканали маҳаллий фаоллар ва тиббий манбаларга таяниб, Алеппога эҳтимолий газ ҳужуми оқибатида камида бир киши ўлгани, юздан ортиқ одам жароҳатлангани ҳақида хабар берди. Маълумотларга кўра, исёнчилар томонидан назорат қилинадиган Сукари туманига ҳукумат вертолёти 6 сентябрь, сешанба куни иккита газли бомба ташлаган.
Изоҳ (0)