KXDRdan Janubiy Koreyaga qochib o‘tganlar soni joriy yilning sakkiz oyi mobaynida o‘tgan yilning shu davriga nisbatan 15 foizga oshdi. Bu haqda 7-sentabr, chorshanba kuni Koreya Respublikasi birlashish vazirligi ma’lum qildi, deya xabar beradi “TASS”.
“Yanvardan avgustgacha KXDRdan 894 kishi qochib keldi. O‘tgan yili bu ko‘rsatkich 777 kishini tashkil etgandi. Hozirda mamlakatimiz hududida KXDRning 29,6 ming sobiq fuqarosi istiqomat qilmoqda. Yaqin oylar ichida ularning soni 30 mingdan oshishi kutilmoqda”, — deya ta’kidladi vazirlik mutasaddilari.
Yana bir jihati, ilgari Shimoliy Koreyadan asosan aholining kambag‘al va kamsitiladigan qatlamiga mansub kishilar qochgan bo‘lsa, bugunga kelib qochoqlar orasida o‘ziga to‘q toifalar vakillari ko‘p uchramoqda. Vazirlik ma’lumotlariga ko‘ra, 2014-yildan keyin ularning soni qochoqlarning 55 foizini tashkil etdi. Oldinlari bu raqam 20 foizga ham yetib bormas edi.
Izoh (0)