Moskva markazidagi Qizil maydonda yunoncha salatning eng katta — 20 tonna 100 kilogrammli porsiyasi tayyorlandi. Meduza’ning xabar berishicha, yegulikni tayyorlashda mingga yaqin odam qatnashgan.
Ko‘ngillilar guruhi sabzavotlar va pishloqni to‘rtburchak shaklda to‘g‘rab, chelaklarga solgan, so‘ng barcha masalliq samosval kuzoviga ortilgan. Ba’zi masalliqlar, masalan, zaytun donachalari traktor kovshi yordamida solingan.
Xabar berishlaricha, rekord qayd etilganidan so‘ng, to‘liq sellofanga o‘ralgan uch yigit kuzovga chiqib, chelaklab salatni pastda turgan xo‘randalarga uzatgan. Tayyorlangan salatning bir qismi ijtimoiy soha tashkilotlariga tarqatilgan, qolgani esa 20 daqiqada tanovul qilib bo‘lingan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)