Amerikalik shifokorlar surunkali qon ketishini yengillatishning oddiy usulini aniqladi, deya xabar beradi EurekAlert!
Oddiy fiziologik eritma shifokorlar tomonidan ko‘ngillilarda sinab ko‘rilgan uchta preparat kabi samarali bo‘lib chiqdi. Olimlarning tadqiqotlardan ko‘zda tutgan maqsadi dori vositalaridan qay biri qon ketishida ko‘proq yordam berishini aniqlashdan iborat edi.
12 hafta davomida bo‘lib o‘tgan tajribalarda 121 kishi ishtirok etdi. Ulardan har biriga kuniga ikki mahal burniga sprey sepildi. Tajribalar tugagach, ko‘ngillilar davolash samarasini baholadi. Qatnashchilarning o‘zini his etishi sprey uchta tibbiy preparatdan biri yoki platsebo (mazkur holatda tuz eritmasi) bo‘lishidan qat’i nazar, yaxshilandi.
Olimlar buni qo‘llangan dorilarning barchasi tarkibida burun bo‘shlig‘i qurishi oldini oluvchi (xususan, quruq iqlimda) tuz eritmasi borligi, qolaversa, platsebo effekti — inson foydalanilgan preparat samarali ekanligiga o‘zini ishontirishi tufayli kayfiyati yaxshilanishi bilan izohladi.
Izoh (0)