AQShning Texas shtatida 82 yoshli Rene Neyra va uning 18 yoshli nevarasi Melani Salazar bitta kollejga o‘qishga kirib, OAV va ijtimoiy tarmoqlar qahramonlariga aylandi, deb yozadi Yahoo! News.
Melani o‘z Twitter’ida bobosi bilan birga o‘qishi haqida 24-avgust kuni ma’lum qildi “O‘z bobom bilan faxrlanaman!” — deb yozdi talaba qiz o‘z postida. Tvit tezda ommalashib ketib, minglab “layk” va repost yig‘di.
Rene va Melani jahon OAVlari e’tiboriga tushdi. Ular Palo-Alto kollejida o‘qishning birinchi kunini boshlagani (o‘qish 27-avgust kuni boshlangan) haqida BuzzFeed, ABC News va Huffington Post yozdi. Bundan tashqari bobo va nevarani Good Morning America teleshousiga taklif qilishdi.
Salazar kollejda erkin san’atni, Neyra esa iqtisodiyotni o‘rganadi. Kollejdan so‘ng erkak Texas universitetiga kirmoqchi.
https://twitter.com/melaniesalazara/status/768523867509829634
Izoh (0)