AQSh Hindiston va Afg‘oniston bilan sentabrda BMT doirasida uch tomonlama muzokaralar o‘tkazishni mo‘ljallamoqda. Bu haqda Nyu-Dehlida 30-avgust, seshanba kuni bo‘lib o‘tgan matbuot anjumanida AQSh davlat kotibi Jon Kerri ma’lum qildi, deya xabar beradi “TASS”.
“AQSh Nyu-Dehlidagi strategik muzokaralardan kelib chiqib, Hindiston va Afg‘oniston bilan kelgusi oyda Nyu-Yorkda, BMT shafeligida uch tomonlama muzokaralarni boshlashni rejalashtirmoqda”, — deya ta’kidladi Kerri.
Davlat kotibi, shuningdek, Hindistonda 2008-yili Mumbay va 2015-yilda Patankot aviabazasida amalga oshirilgan hujumlarni uyushtirganlar javobgarlikka tortilishi lozimligini bildirdi.
Izoh (0)