IShID terrorchilik guruhi o‘z spikeri Abu Muhammad al-Adnaniyning o‘limi haqida e’lon qildi, u Suriyaning Aleppo shahrida o‘ldirilgan. Bu haqda IShIDga aloqador Amaq agentligi al-Adnaniy safdoshlari bayonotiga tayanib xabar berdi, deb yozadi “RBK”.
IShID spikeri Aleppoda harbiylar hujumini daf qilayotgan jangarilarni suratga olayotib halok bo‘lgan.
Al-Adnaniy asosan G‘arbda terrorchilik hujumlari uyushtirishga qaratilgan da’vatlari va keskin nutqlari bilan tanilgan edi. Yevropaga hujumlarni aynan u rejalashtirgan, deb hisoblashadi.
Uning Yevropada hujumlar uyushtirish haqidagi musulmonlarga qaratilgan so‘nggi da’vati may oyida e’lon qilingan edi.
Hozircha al-Adnaniy aviazarba yoki yerdagi to‘qnashuvlar natijasida vafot etgani noma’lum.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)