Lola Karimova-Tillayevaning bayram tabrigi, Toshkentga yetib kelgan “Orzu layneri”, 26,8 mln yevrolik O‘zbekiston futbol termasi va kunning boshqa muhim yangiliklari

31-avgustning e’tiborga molik yangiliklari — “Daryo”ning kechki dayjestida.

1. Lola Karimova-Tillayeva: Sizning samimiy tilaklaringiz va ezgu niyatlaringiz otamning shifo topishlarida yordam bermoqda, deb ishonaman.

2. Turkiya: Suriyadagi operatsiya xavf to‘liq bartaraf qilinmagunicha davom etadi. “Operatsiya nishonlari ma’lum”, — deyiladi Turkiyaning bayonotida.

3. “Orzular kemasi” “Toshkent” xalqaro aeroportiga qo‘ndi. “O‘zbekiston havo yo‘llari” buyurtmasiga asosan tayyorlangan ikkita Boeing-787 Dreamliner samolyotining birinchisi 31-avgust kuni Toshkentga yetib keldi.

4. Yetti karra olimpiadachi Oksana Chusovitinaga Malibu avtomobili sovg‘a qilindi. U Rio Olimpiadasida sovrindor bo‘lolmadi, lekin u qayd etgan rekordni uncha-muncha sovrindor takrorlay olmaydi.

5. Futbol bo’yicha O‘zbekiston termasi a’zolarining transfer bozoridagi narxi qancha? Aytmoqchi, Mustaqillik kuni munosabati bilan o‘tkazilishi rejalashtirilgan mushakbozlik O‘zbekiston – Suriya uchrashuvi tufayli boshqa kunga ko‘chirildi.

Bonusiga — Rio—2016 yo‘li davomida bokschi Murodjon Ahmadaliyevga Cobalt, Malibu, 2 xonali uy va 75 ming AQSh dollari nasib qildi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.