2016-yilning 24—29-avgust kunlari O‘zbekiston Respublikasi va Qirg‘iziston Respublikasi O‘zbekiston—Qirg‘iziston Davlat chegarasini delimitatsiya va demarkatsiya qilish masalalari bo‘yicha Hukumat delegatsiyalarining ishchi guruhlari O‘zbekiston—Qirg‘iziston Davlat chegarasining ayrim uchastkalarida qo‘shma dala tekshiruvlarini o‘tkazishdi. Bu haqda O‘zbekiston TIV matbuot xizmati xabar berdi.
Uchrashuvlar va muzokaralar yakunlariga ko‘ra qo‘shma protokol imzolandi. O‘zbekiston-Qirg‘iziston Davlat chegarasining o‘tish chizig‘i borasidagi mavjud masalalarga tomonlar uchun maqbul yechim topish maqsadida dala tekshiruvlarini davom ettirishga kelishib olindi.
Uchrashuv konstruktiv va xayrixohlik ruhida bo‘lib o‘tdi.
Izoh (0)