28-avgust, shanbaga o‘tar kechasi Kiyevda rossiyalik jurnalist Aleksandr Shchetininning o‘ligi topildi. Bu haqda “Korrespondent.net” xabar bermoqda.
Jurnalistning jasadini uni tug‘ilgan kuni bilan tabriklagani kelgan do‘stlari kvartira balkonidan topdi. Uning boshida o‘qotar quroldan qolgan jarohat izlari bo‘lib, stuli ostida to‘pponcha yotgandi. Ishonchli manbalarga ko‘ra, mazkur ish hozircha o‘z joniga qasd qilish sifatida ko‘rilmoqda; jurnalist yaqinlaridan biriga o‘zini o‘ldirmoqchi ekanligini bayon qilgan elektron xat jo‘natgani aytilmoqda.
Aleksandr Shchetinin “Noviy region” axborot agentligi asoschisi va bosh muharriri edi. 2014-yilda u 17 yil umrini bag‘ishlagan agentlikdan ketishini ma’lum qilgan va buni agentlikning Rossiyadagi tahririyatlariga rasmiylar tomonidan o‘tkazilayotgan bosim bilan izohlagandi.
Izoh (0)