Pragadagi sushi restorani tashrifchilari ushbu muassasa oshpazlari yapon taomlarini muzlatilgan dengiz balig‘idan emas, restoran yaqinidagi daryodan tutilgan baliqdan tayyorlashda gumon qildi, deb yozadi TJournal mahalliy Novinky nashriga tayanib.
Davlat qishloq xo‘jaligi va oziq-ovqat inspeksiyasi shikoyat o‘rinli bo‘lib chiqishi mumkin, degan xulosaga keldi: restoran muzlatkichidan zog‘orabaliq va uning ichak-chovoqlari, shuningdek, o‘rdaklar topildi, ular qayerdan kelganini restoran egasi aytib bera olmadi.
Muassasa menejeri Patrik Tran ushbu mahsulotlar faqat xodimlar uchun mo‘ljallanganini ta’kidladi. Shunga qaramay, oziq-ovqat inspeksiyasi baliqni ishlatishni taqiqladi va 50 million kron (taxminan 200 ming dollar) jarima soldi.
Keyinroq ma’lum bo‘lishicha, shikoyatni mahalliy Novinky nashri jurnalisti bergan, u restoran xodimlari poytaxt sohilida baliq tutayotganiga guvoh bo‘lganlar yuborgan videoga asoslangan. Videoda uch erkak baliq va o‘rdak tutayotganini ko‘rish mumkin, ulardan biri restoran uniformasini kiyib olgan.
Izoh (0)