28 август, шанбага ўтар кечаси Киевда россиялик журналист Александр Шчетининнинг ўлиги топилди. Бу ҳақда «Корреспондент.net» хабар бермоқда.
Журналистнинг жасадини уни туғилган куни билан табриклагани келган дўстлари квартира балконидан топди. Унинг бошида ўқотар қуролдан қолган жароҳат излари бўлиб, стули остида тўппонча ётганди. Ишончли манбаларга кўра, мазкур иш ҳозирча ўз жонига қасд қилиш сифатида кўрилмоқда; журналист яқинларидан бирига ўзини ўлдирмоқчи эканлигини баён қилган электрон хат жўнатгани айтилмоқда.
Александр Шчетинин «Новий регион» ахборот агентлиги асосчиси ва бош муҳаррири эди. 2014 йилда у 17 йил умрини бағишлаган агентликдан кетишини маълум қилган ва буни агентликнинг Россиядаги таҳририятларига расмийлар томонидан ўтказилаётган босим билан изоҳлаганди.
Изоҳ (0)