KXDR “Vashingtonning yadroviy gegemonligiga qarshi turish uchun zarbdor yadro vositalarini kuchaytiradi”. Bu haqda mamlakat tashqi ishlar vazirligi vakili tarqatgan bayonotga tayanib, “TASS” xabar berdi.
Diplomat BMT Xavfsizlik kengashining AQSh va uning tarafdorlari tashabbusiga ko‘ra 24-avgust kuni KXDR suv osti kemasidan ballistik raketa uchirgani munosabati bilan shoshilinch yig‘ilish o‘tkazish qarorini tanqid qildi.
Bayonotda aytilishicha, Koreya yarim orolida uzluksiz manyovrlar o‘tkazayotgan AQShning aybi tufayli, “ushbu mintaqada juda keskin vaziyat yuzaga keldi”. “Bunday sharoitlarda Pxenyan zarbdor yadro vositalarini kuchaytiradi va Vashington bundan keyin ham xalq respublikasi qadr-qimmatini yerga ursa va xavfsizligiga putur yetkazsa, AQShga shafqatsiz zarba beradi”, — dedi tashqi siyosiy muassasa vakili.
Avvalroq KXDR suv osti kemasidan ballistik raketa uchirgani ma’lum qilindi. Yaponiya mudofaa vazirligi ma’lumotlariga ko‘ra, raketa taxminan 500 km masofaga uchib, Yapon dengiziga quladi. U birinchi marta mamlakat havo hujumiga qarshi mudofaa identifikatsiya hududi ichkarisiga 80 kilometrgacha kirdi.
Keyinroq Kim Chen In KXDR suv osti kemasidan amalga oshirilgan raketa parvozini “katta yutuq” deb atadi.
Izoh (0)