Germaniya tashqi ishlar vaziri Frank-Valter Shtaynmayer Yevropada qurollanish ustidan nazorat bo‘yicha yangi kelishuv tuzishga chaqirdi. Bu haqda u Frankfurter Allgemeine Zeitung gazetasida 26-avgust, juma kuni chop etilgan intervyusida ma’lum qildi, deya xabar bermoqda Forbes.
Vazirga ko‘ra, yangi kelishuv Rossiya bilan NATO o‘rtasida yangi qurollanish poygasining oldini olishga imkon beradi. U Rossiya bir necha bor alyansni Yevropada qurollanish bo‘yicha bahslarga chorlaganini e’tirof etdi.
“Ushbu yo‘nalishdagi nazoratning qayta ko‘rib chiqilishi shaffoflikka erishish, tahdidlarning oldini olish va ishonchga asoslangan munosabatlarni yo‘lga qo‘yishga imkon beradi. Bu borada bildiriladigan hamkorlikka taklif aniq-tiniq bo‘lishi lozim”, — deya ta’kidladi Shtaynmayer.
Izoh (0)