“Levada-sentr” tomonidan o‘tkazilgan so‘rov natijalariga ko‘ra, rossiyaliklarning ko‘pchiligi hukumatni narxlar oshishi va aholi daromadlari pasayishini nazorat qilmaslik (42%), shuningdek, ijtimoiy himoya qoniqarli emasligida (34%) ayblamoqda. Bu haqda “Gazeta.ru” xabar bermoqda.
Hukumat korrupsiyalashgani va birinchi galda o‘z manfaatlari yo‘lida harakat qilishi (hozir 27%, o‘tgan yili 19% ) hamda iqtisodiy tanglik bilan kurashishni uddalay olmayotganiga (tegishli ravishda 25% va 23% ) amin bo‘lgan rossiyaliklar soni ortib bormoqda. Har o‘ninchi respondent hukumatning professional darajasini past (11%) deb hisoblaydi yoki mafioz tashkilotlar bilan aloqalarda gumon qiladi (9%).
Rossiya rasmiylari “jinoyatchilikka qarshi samarali kurashmaslik” (8%), “xorijiy kapital manfaati uchun qayg‘urish” (7%), “fuqarolar xavfsizligini ta’minlay olmaslik” (5%) da ham ayblangan.
So‘rovdan ma’lum bo‘lishicha, rossiyaliklarning atigi 7 foizida rasmiylar faoliyatiga nisbatan hech qanday shikoyat yo‘q.
Izoh (0)