BMT missiyasi va Kimyoviy qurolni taqiqlash bo‘yicha tashkilot Suriya hukumati hamda IShIDni uch holatda kimyoviy moddalarni qo‘llaganlikda aybladi. Bu haqda “Gazeta.ru” xabar bermoqda.
Tashkilot ekspertlariga ko‘ra, Suriya harbiy-havo kuchlari vertolyotlari 2014-yil, 21-aprelda Talmenes aholi punkti va o‘tgan yil 16-martida Sarmin shahriga xlor konteynerlarini tashlagan. BMT missiyasi va kimyoviy qurolni taqiqlash bo‘yicha tashkilot jami 9 holatni o‘rgandi, ulardan oltitasida aybdorlarni topishning imkoni bo‘lmadi.
O‘rganish natijalarini o‘z ichiga olgan hisobot BMT Xavfsizlik kengashiga taqdim etiladi. Uning xulosalari kengashdagi muhokamadan so‘ng e’lon qilinishi ko‘zda tutilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)