Janubiy Koreya terma jamoasi bosh murabbiyi Uli Shtelike JCh–2018 turiniga saralashning 3-bosqichi doirasidagi sentabr oyidagi o‘yinlarga tarkibni e’lon qildi. Germaniyalik 61 yoshli mutaxassis Xitoy va Suriya bilan o‘yinlarga 21 futbolchini chaqirdi, deb xabar bermoqda O‘zbekiston futbol federatsiyasi matbuot xizmati.
JCh–2018 turniriga saralashning 3-bosqichida O‘zbekiston bilan “A” guruhidan o‘rin olgan Janubiy Koreya terma jamoasi ushbu bosqichdagi ishtirokini 1-sentabr kuni Xitoyga qarshi o‘yin bilan boshlaydi. Besh kun o‘tib, 6-sentabr kuni esa Suriyaga qarshi o‘yin o‘tkazadi.
Ushbu o‘yinlar uchun chaqirilgan futbolchilardan 5 nafari Braziliyada bo‘lib o‘tgan Olimpiadada Janubiy Koreya olimpiya terma jamoasi sharafini himoya qilib, chorak finalgacha yetib bordi. Chorak finalda koreyaliklar Gonduras olimpiya terma jamoasiga 0:1 hisobida mag‘lub bo‘ldi. Olimpiadada ishtirok etgan va milliy terma jamoaga jalb etilgan futbolchilar – “Red Bull” a’zosi Xvon Xi Chan, “Tottenhem” hujumchisi Son Xyon Min, “Trabzonspor” forvardi Sok Xyon Jun, “Guanjou” himoyachisi Jan Xen Su va “Suvon” yarim himoyachisi Kvon Chang Xun.
Quyida Janubiy Koreya terma jamoasining Jahon chempionati saralashining yakuniy bosqichi uchun e’lon qilgan tarkibini keltirib o‘tilgan.
Darvozabonlar: Kim Jin Xyon (“Sereso Osaka”), Chon Son Ryon (“Kavasaki Fronteyl”), Kim Sin Gyu (“Vissel Kobe”);
Himoyachilar: Kim Ki Xi (“Shanxay Shenxua”), Kim Yon Gvon (“Guanjou Evergrand”), Xon Jon Xo (“Jiangsu Suning”), Jang Xyun Su (“Guanjou Fuli”), Li Yong (“Sanju Sanmu”), O Je Sok (“Gamba Osaka”), Kim Min Xyok (“Sagan Tosu”);
Yarim himoyachilar: Xan Kuk Yong (“Al-Garafa”), Ki Sun Yon (“Suonsi Siti”), Jung Vu Yong (“Chunsin Lifan”), Li Chun Yong (“Kristal Pelas”), Kvon Chang Yong (“Suvon”), Ku Ja Chol (“Augsburg”), Son Xyon Min (“Tottenhem”), Li Jay Sung (“Jonbuk Xyunday”), Ji Dong Von (“Augsburg”);
Hujumchilar: Xvon Xi Chan (“Red Bull Zalsburg”), Sok Xyon Jun (“Trabzonspor”).
Izoh (0)