Toshkentning “Lokomotiv” futbol klubi Osiyo Chempionlar Ligasi chorak finalining dastlabki uchrashuvida maydonga tushdi.
“Lokomotiv” o‘z tarixida ilk bor OChL guruh bosqichini muvaffaqiyatli yakunlab, chorak finalga yetib keldi. Mazkur musobaqa doirasida joriy mavsumda bo‘lib o‘tgan 9 ta uchrashuvning birortasida “Lokomotiv” imkoniyatni boy bermadi.
Nimchorak final doirasidan joy olgan Saudiyaning “Al-Hilol” klubiga qarshi safar o‘yinida ham 0:0 hisobi qayd etilgan bo‘lib, Toshkentdagi 2:1 hisobi evaziga “temiryo‘lchilar” navbatdagi bosqich chiptasiga ega chiqqandi.
Ma’lumot uchun, Osiyo Chempionlar Ligasiga asos solingan 2003-yildan buyon O‘zbekistonning ikki klubi musobaqaning yarim finaliga uch bor yetib borgan. “Paxtakor” bir marta, “Bunyodkor” esa ikki marta yarim final bosqichida to‘p surgan. “Lokomotiv” bu borada uchinchi jamoaga aylanib olish imkoniyatiga ega.
Osiyo Chempionlar Ligasi1/4 final, dastlabki uchrashuv23-avgust, seshanba
“Al-Ayn” (BAA) — “Lokomotiv” (O‘zbekiston) 0:0
“Al Ayn”: Xolid Eysa — Ismoil Ahmad, Lukas Kayo (Ibrohim Diaki, 83), Duglas (Muhammad Abdulrahmon, 68), Umar Abdulrahmon, Muhanad Salim, Muhammad Ahmad G‘arib, Amir Abdulrahmon, Li Myung Ju, Muhammad Fayoz, Danilo Asprilla.“Lokomotiv”: Ignatiy Nesterov — Oleg Zoteyev (Sherzod Fayziyev, 87), Nemanya Yanichich, Islom To‘xtaxo‘jayev, Kaxi Maxaradze, Timur Kapadze, Sanjar Shoahmedov, Sardor Mirzayev, Server Jeparov, Artur Gevorkyan (Marat Bikmayev, 68), Temurxo‘ja Abduxoliqov (Ikrom Aliboyev, 76).
Izoh (0)