Тошкентнинг «Локомотив» футбол клуби Осиё Чемпионлар Лигаси чорак финалининг дастлабки учрашувида майдонга тушди.
«Локомотив» ўз тарихида илк бор ОЧЛ гуруҳ босқичини муваффақиятли якунлаб, чорак финалга етиб келди. Мазкур мусобақа доирасида жорий мавсумда бўлиб ўтган 9 та учрашувнинг бирортасида «Локомотив» имкониятни бой бермади.
Нимчорак финал доирасидан жой олган Саудиянинг «Ал-Ҳилол» клубига қарши сафар ўйинида ҳам 0:0 ҳисоби қайд этилган бўлиб, Тошкентдаги 2:1 ҳисоби эвазига «темирйўлчилар» навбатдаги босқич чиптасига эга чиққанди.
Маълумот учун, Осиё Чемпионлар Лигасига асос солинган 2003 йилдан буён Ўзбекистоннинг икки клуби мусобақанинг ярим финалига уч бор етиб борган. «Пахтакор» бир марта, «Бунёдкор» эса икки марта ярим финал босқичида тўп сурган. «Локомотив» бу борада учинчи жамоага айланиб олиш имкониятига эга.
Осиё Чемпионлар Лигаси1/4 финал, дастлабки учрашув23 август, сешанба
«Ал-Айн» (БАА) — «Локомотив» (Ўзбекистон) 0:0
«Ал Айн»: Холид Эйса — Исмоил Аҳмад, Лукас Каё (Иброҳим Диаки, 83), Дуглас (Муҳаммад Абдулраҳмон, 68), Умар Абдулраҳмон, Муҳанад Салим, Муҳаммад Аҳмад Ғариб, Амир Абдулраҳмон, Ли Мюнг Жу, Муҳаммад Фаёз, Данило Асприлла.«Локомотив»: Игнатий Нестеров — Олег Зотеев (Шерзод Файзиев, 87), Неманя Яничич, Ислом Тўхтахўжаев, Кахи Махарадзе, Тимур Кападзе, Санжар Шоаҳмедов, Сардор Мирзаев, Сервер Жепаров, Артур Геворкян (Марат Бикмаев, 68), Темурхўжа Абдухолиқов (Икром Алибоев, 76).
Изоҳ (0)