Xitoyning Xarbin shahrida yashovchi keksa kishi mahalliy hayvonlar boshpanasiga murojaat etdi va muassasaga o‘zi yig‘ib-tergan 80 ming yuanni (12 ming dollardan oshiq) vasiyat qilib qoldirmoqchi ekanligini bildirdi. U mazkur mablag‘ Erfu laqabli itini boqish uchun ishlatilishiga umid qilmoqda. Bu haqda China Daily xabar berdi.
“O‘zimni tobora noxush his etyapman. Meni xavotirga solayotgan yagona narsa — itimning holati”, — deya ta’kidladi oxirgi paytda bir necha infarkt va insultni boshidan kechirgan 71 yoshli Van Szyunyu.
Nashrga ko‘ra, Erfu — qariya oilasida qolgan birdan-bir a’zo. Szyunyuning o‘g‘li 6 yoshida avtohalokatda olamdan o‘tgan, oradan bir yil o‘tib uning xotini ham kasallikdan vafot etgan.
Izoh (0)