Internet-tanishuvlarning dunyo bozori hajmi yil oxiriga qadar 8,9 foizga oshib, 5 milliard dollarga yaqinlashadi. Bu haqda Social Discovery Ventures kompaniyasi hisob-kitoblariga tayanib, “Kommersant” xabar bermoqda.
Ekspertlar Rossiya onlayn-tanishuvlar bozorini atigi 50 million dollar, oylik auditoriyani esa 11 million kishi atrofida baholamoqda. Bozorda uning 85 foizini nazorat etayotgan Mamba kompaniyasi yetakchilik qilmoqda, biroq hatto uning rahbariyati ham ishlari oldinga siljimayotganidan nolimoqda.
Tanishuvlar uchun dasturlar daromadining asosiy manbasi pulli akkauntlardan xaridlar —tanishuvlar uchun nomzodlar qidirish, yoshi, manzilini yashirish imkoniyati, sutka davomida cheklanmagan miqdorda yangi tanishuvlar hisoblanadi. Shuningdek, foydalanuvchilar virtual sovg‘alar (suratlar, animatsiya) uchun ham to‘laydi.
Izoh (0)