Turkiya rasmiylari harbiy to‘ntarishga urinish bo‘yicha tergov doirasida Istanbulda 44 kompaniyada tintuv o‘tkazdi va 120 nafar firma rahbarini hibsga olishga ko‘rsatma berdi. Bu haqda “TASS” xabar bermoqda.
Anadolu agentligiga ko‘ra, mazkur kompaniyalar Fathulloh Gulen tarafdorlariga moliyaviy ko‘mak ko‘rsatishda gumon qilinmoqda. Ularning nomi oshkor etilmadi.
Ma’lumot uchun, hozirgacha Turkiyada Gulen bilan aloqadorlikda gumon qilinib, 16 ming kishi hibsga olindi. 81 mingdan ortiq davlat xizmatchisi ishdan vaqtincha chetlatildi yoki bo‘shatildi.
Izoh (0)