Hindiston shimolidagi Jammu va Kashmir shtatidagi ommaviy to‘qnashuvlarda to‘rt kishi o‘ldirildi, 15 kishi jarohat oldi. Bu haqda “TASS” xabar bermoqda.
Politsiya vakiliga ko‘ra, namoyishchilar Budgam okrugidagi Magam qishlog‘i yaqinida xavfsizlik kuchlari bilan to‘qnashgan va ularga qarata tosh ota boshlagan. Huquq-tartibot kuchlari olomonni tarqatib yuborish uchun o‘t ochishga majbur bo‘lgan.
Kashmirda xavfsizlik kuchlari va mahalliy aholi o‘rtasidagi to‘qnashuvlar 8-iyulda Hindistonda terrorchi tashkilotlar qatoriga kiritilgan “Hizb-ul-Mudjahidin” guruhi faoli, 22 yoshli Burhon Muzaffar Vani o‘ldirilganidan beri har kuni davom etmoqda. Qurbonlarning jami soni 64 kishiga yetdi, yaralanganlar esa 5 mingdan oshdi. Kashmirda o‘shandan beri favqulodda holat tartibi joriy etilgan.
Izoh (0)