Ҳиндистон шимолидаги Жамму ва Кашмир штатидаги оммавий тўқнашувларда тўрт киши ўлдирилди, 15 киши жароҳат олди. Бу ҳақда «ТАСС» хабар бермоқда.
Полиция вакилига кўра, намойишчилар Будгам округидаги Магам қишлоғи яқинида хавфсизлик кучлари билан тўқнашган ва уларга қарата тош ота бошлаган. Ҳуқуқ-тартибот кучлари оломонни тарқатиб юбориш учун ўт очишга мажбур бўлган.
Кашмирда хавфсизлик кучлари ва маҳаллий аҳоли ўртасидаги тўқнашувлар 8 июлда Ҳиндистонда террорчи ташкилотлар қаторига киритилган «Ҳизб-ул-Муджаҳидин» гуруҳи фаоли, 22 ёшли Бурҳон Музаффар Вани ўлдирилганидан бери ҳар куни давом этмоқда. Қурбонларнинг жами сони 64 кишига етди, яраланганлар эса 5 мингдан ошди. Кашмирда ўшандан бери фавқулодда ҳолат тартиби жорий этилган.
Изоҳ (0)