Janubiy Afrikada joylashgan Zambiyada prezident, parlament va mahalliy saylovlar boshlandi, deya xabar bermoqda “TASS”.
Mahalliy vaqt bilan 06:00 (Toshkent vaqti bilan 09:00)da 15,5 million kishilik aholiga ega mamlakatda ovoz berish uchun 7700 ta uchastka ochildi. Ro‘yxatga olingan 6,7 million saylovchi besh yil muddatga davlat rahbarini, parlamentning 150 a’zosini, shuningdek, o‘nta provinsiyaning barchasidagi shaharlar merlarini, mahalliy majlislar raislari va a’zolarini saylashi kerak.
Davlat rahbari lavozimiga to‘qqiz nomzod da’vogarlik qilmoqda, ammo asosiy raqobat amaldagi prezident, Vatanparvarlik fronti partiyasi vakili 60 yoshli Edgar Lungu va muxolifatchi Milliy taraqqiyot uchun birlashgan partiya yetakchisi 54 yoshli Xakainde Xichilema o‘rtasida kechadi.
Konstitutsiyaga kiritilgan tuzatishlar endi da’vogarlardan biri 50 foizdan ortiq ovoz to‘play olmasa, prezidentlik saylovlarining ikkinchi turi o‘tkazilishini ko‘zda tutadi.
Izoh (0)