Liviya milliy kelishuv hukumatiga sodiq qo‘shinlar IShID tomonidan shtab sifatida foydalanib kelingan “Uagadugu” anjumanlar markazini o‘z nazoratiga oldi. Bu haqda “TASS” xabar bermoqda.
Shuningdek, armiya bo‘linmalari Ibn Sino nomli kasalxona va mahalliy talabalar shaharchasini ham ozod etishga erishdi.
Sirtning to‘liq ozod etilishi haqida shahardagi hamon jangarilar qo‘lida qolayotgan bir necha daha ulardan tozalanganidan so‘ng e’lon qilinishi bildirilmoqda. Milliy kelishuv hukumati armiyasi vakili Reda Isoga ko‘ra, gap aholi istiqomat qiladigan qator tumanlar va dengiz bo‘yida joylashgan villalar majmui haqida ketmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)