Жанубий Африкада жойлашган Замбияда президент, парламент ва маҳаллий сайловлар бошланди, дея хабар бермоқда «ТАСС».
Маҳаллий вақт билан 06:00 (Тошкент вақти билан 09:00)да 15,5 миллион кишилик аҳолига эга мамлакатда овоз бериш учун 7700 та участка очилди. Рўйхатга олинган 6,7 миллион сайловчи беш йил муддатга давлат раҳбарини, парламентнинг 150 аъзосини, шунингдек, ўнта провинциянинг барчасидаги шаҳарлар мэрларини, маҳаллий мажлислар раислари ва аъзоларини сайлаши керак.
Давлат раҳбари лавозимига тўққиз номзод даъвогарлик қилмоқда, аммо асосий рақобат амалдаги президент, Ватанпарварлик фронти партияси вакили 60 ёшли Эдгар Лунгу ва мухолифатчи Миллий тараққиёт учун бирлашган партия етакчиси 54 ёшли Хакаинде Хичилема ўртасида кечади.
Конституцияга киритилган тузатишлар энди даъвогарлардан бири 50 фоиздан ортиқ овоз тўплай олмаса, президентлик сайловларининг иккинчи тури ўтказилишини кўзда тутади.
Изоҳ (0)