Liviya vakillar palatasi BMTning mamlakatdagi vaziyatni tinch yo‘l bilan tartibga solish uchun turli qabilalar o‘rtasida muzokaralar o‘tkazish haqidagi taklifini qabul qilmadi, deya xabar bermoqda “TASS” “Ash-Sharq al-Ausat” gazetasiga tayanib.
“Liviya parlamenti BMTning Liviya bo‘yicha maxsus vakili Martin Kobler mamlakatda vaziyatni tinch yo‘l bilan tartibga solish uchun qabilalararo muzokaralar o‘tkazish haqida ilgari surgan tashabbusni rad etdi”, — dedi parlament rahbarining birinchi o‘rinbosari Muhammad Shasib.
Uning so‘zlariga ko‘ra, Kobler Afg‘onistondagi shunday muzokara tajribasini olib kelishni taklif qilgan, ammo biz (parlament deputatlari) bunday tajribani Liviya sharoitlarida qo‘llash mumkinligiga shubha qildik”. Shaaib aniqlik kiritishicha, masalan, Liviya poytaxti Tripoli shahrida “qandaydir qabilalar haqida gapirish umuman qonunga to‘g‘ri kelmaydi”.
Shu bilan birga, Shaaib Vakillar palatasi tomonlar pozitsiyalarini yaqinlashtirish maqsadida xalqaro doirada tan olingan hukumat bilan ham, Tripolining tan olinmagan vazirlar mahkamasi bilan ham ko‘plab muzokaralar olib borayotganini aytdi.
Izoh (0)