Turkiyadagi harbiy to‘ntarish tashkilotchilari rejalari muvaffaqiyatli amalga oshganda harbiy-havo kuchlari qo‘mondoni general Akin O‘zturkni mamlakat prezidenti etib tayinlashni mo‘ljallagan. Bu haqda tergov xulosalariga tayanib, Hurriyet ma’lum qildi, deya xabar beradi “Gazeta.ru”.
Nashrga ko‘ra, isyonchilarning rejalari Turkiya bosh shtabi rahbari Xulusi Akarning faol aralashuvi tufayli barbod bo‘lgan. Tergovning aniqlashicha, fitnachilar muvaffaqiyat qozongan taqdirda Akar o‘z vazifasini bajarishda davom etishi, uning o‘rinbosari lavozimini esa general Mexmet Dishli egallashi mumkin edi.
Harbiy to‘ntarishni tashkillashtirganini tan olgan general Akin O‘zturk oldinroq o‘z ko‘rsatmalarida Xulusi Akar bilan til biriktirganini ma’lum qilgandi.
Izoh (0)