O‘zbekistonlik bokschi Hasanboy Do‘stmatov Rio—2016 Olimpiadasida o‘z delegatsiyasi uchun to‘rtinchi medalni taqdim etadigan bo‘ldi.
49 kilogrammgacha bo‘lgan sportchilar o‘rtasidagi turnirda O‘zbekiston sharafini himoya qilgan bokschi chorak finalda qozog‘istonlik Birjan Jakipovni mag‘lub etishga muvaffaq bo‘ldi. Bokschi har uchala raundni ham o‘z foydasiga hal qildi.
Bu g‘alaba Hasanboy Do‘stmatov uchun eng kamida bronza medalini kafolatladi. Unda oltin medal uchun kurash olib borish imkoniyati bor.
O‘zbekistonlik bokschi yarim final jangini 12-avgust kuni o‘tkazadi.
Hasanboy Do‘stmatov 1/8 finalda meksikalik Xoselito Velaskesga qarshi jang qilib, raqibini har uch raundda ham mag‘lub etishga muvaffaq bo‘lgandi.
Izoh (0)