Ozarbayjon prezidenti Ilhom Aliyev Rossiya Federatsiyasi va Eronga qarshi qo‘llanilayotgan sanksiyalarga qarshi chiqishini ma’lum qildi. Bu haqda “Interfaks” xabar berdi.
“Ozarbayjon doim Eron va Rossiyaga nisbatan qo‘llanilayotgan sanksiyalarga qarshi chiqqan. Biz bu masalada o‘z pozitsiyamizni ochiq ma’lum qilganmiz”, — dedi Aliyev 8-avgust, dushanba kuni Bokuda Ozarbayjon, Rossiya va Eron prezidentlari o‘rtasida bo‘lib o‘tgan uch tomonlama uchrashuvda.
Uning so‘zlariga qaraganda, Ozarbayjon, Eron va Rossiya birgalikdagi harakatlari bilan energetik yo‘lak yaratishi mumkin.
Aliyev, shuningdek, transport sohasida uch tomonlama hamkorlikni yo‘lga qo‘yish istagini bildirdi. “Ozarbayjon Eron va Rossiya bilan chegaradosh yagona mamlakat. Shimol—Janub loyihasi strategik ahamiyatga ega bo‘lib, ko‘pchilik mamlakatlar bu yo‘lakdan foydalanishi mumkin”, — deya qo‘shimcha qildi Ozarbayjon prezidenti.
Izoh (0)