AQSh Milliy xavfsizlik agentligining sobiq xodimi Edvard Snouden manfaatlarini himoya qiladigan advokat Anatoliy Kucherena uning, go‘yoki, Rossiyada vafot etganligi haqidagi ma’lumotni rad etdi, deb yozadi “RBK”.
“Edvard Snouden mavzusida yana bir marta quruq muhokamaga duch kelmoqdamiz… Mas’uliyat bilan aytishim mumkinki, u sog‘-salomat, Rossiyada yashab, o‘zining sevimli mashg‘uloti, o‘z ishi bilan shug‘ullanmoqda”, — dedi Kucherena.
Nashr eslatishicha, 5-avgust kuni Snouden Twitter’dagi sahifasida sirli xabarlar qoldirdi, ular keyinroq o‘chirib tashlandi. Express yozishicha, ulardan birida shunday deyilgan: “Men bilan birga ishlaganmisiz? Biz 2013-yildan buyon gaplashib kelyapmizmi? Iltimos, men bilan xavfsiz aloqa orqali bog‘laning. Fursat yetdi”. Yana birida esa 64 ta belgidan iborat qandaydir kod bo‘lgan.
Bundan tashqari, 5-avgustdan buyon Snouden Twitter’da hech qanday faollik ko‘rsatmadi. Ijtimoiy tarmoqlar foydalanuvchilari Snouden e’lon qilgan xabarlarni qizg‘in tarzda muhokama qilib, uning qo‘lga tushirilgani yoki o‘ldirilganini taxmin qildi.
Izoh (0)