Rossiya, Eron va Ozarbayjon prezidentlari Suriyada yuzaga kelgan vaziyatni muhokama qildi. Bu haqda “Vedomosti” xabar bermoqda.

Yetakchilar fikricha, IShIDning nazorat etib bo‘lmaydigan rivojlanishi xavfi saqlanib qolmoqda, u bilan yagona front tarzida kurashish zarur.

“Suriya nafaqat IShID, balki uning bayrog‘i ostida yashiringan va o‘z maqsad hamda vazifalarini ko‘zlayotgan guruhlar ko‘lami kengayishi xavfi hamdir. Rossiya va boshqa mamlakatlarga bildirilgan tahdiddan so‘ng uni islom dunyosi uchungina xatar deb ayta olmaymiz”, — deya ma’lum qildi Rossiya bosh vaziri o‘rinbosari Dmitriy Rogozin uch davlat yetakchilari uchrashuvi yakunidan so‘ng.

Eslatib o‘tamiz, oldinroq Rossiya, Eron va Ozarbayjon Bokudagi uch tomonlama uchrashuv chog‘ida biznes, madaniyat va turizm yo‘nalishlarida hamkorlikni yanada rivojlantirish to‘g‘risida kelishib olgani bildirilgandi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.